Дүние жүзі мұсылмандарының асыға күткен ең қастерлі де қадірлі мерекесі – Құрбан айт мейрамы құтты болсын!
Бұл мереке адамзат баласын татулық пен бірлікке, сыйластық пен ауызбіршілікке, өзара келісім мен кешірімге шақырады. Біздің елімізде де Мемлекет басшысы Нұрсұлтан Әбішұлы Назарбаевтың салиқалы саясатының негізінде тату-тәтті тіршілік кешіп жатқан ұлт пен ұлыс, түрлі діни конфессия өкілдері осынау адами асыл құндылықтарды басшылыққа алады.
Үш күн бойы аталып өтілетін бұл мейрамның барша мұсылмандар үшін мән-маңызы аса зор, өнегесі өзгеше. Ауқатты, тұрмысы жақсы адамдар Ұлы Жаратушы Иеміз - Алла разылығы үшін құрбандық шалып, кедей әрі мұқтаж адамдарға, міскін жандарға қамқорлық көрсетеді. Өкпелі жандар кешірімге келіп, татуласып, өткен-кеткен реніштерін ұмытады.
Олай болса айт күнгі тілеген тілектеріңіз бен ізгі ниеттеріңізді, Алла разылығы үшін шалған құрбандықтарыңызды қабыл етсін.
Ұлық мереке мүбарак болып, әр отбасына бақыт пен береке әкелсін! Елімізді әрдайым бірлік-ынтымақтан айырмасын!
